काठमाडौँ । भुटानी शरणार्थी प्रकरणमा मुद्दा पुर्पक्षका लागी थुनामा रहेका बेचन झा छुटेका छन् ।
काठमाडौँ जिल्ला अदालतले उनलाई मङ्गलबार १ वर्ष कैद र १० हजार जरिवाना हुने गरी सजाय निर्धारण गरेको थियो । अदालतको पत्र अनुसार उनलाई थुनामुक्त गरिएको केन्द्रीय कारागारका जेलर कृष्ण चापागाईंले रातोपाटीलाई बताए ।
उनलाई उपस्थित गराइदिन अख्तियारले केन्द्रीय कारागारमा पत्राचार गरेको थियो । अख्तियारबाट पनि उनी बोलाउँदा उपस्थित हुने गरी रिहा भएका छन् । नक्कली भुटानी शरणार्थी बनाएर अमेरिका पठाउन ‘मन्त्रिपरिषद्मा मिलाउँछु’ भन्दै झाले रामशरण केसीसँग दुई करोडको चेक लिएका थिए । पक्राउ गरेर अनुसन्धान गर्दा बेचनले लिएको २ करोडको चेकको फोटोकपी मात्र फेला परेको थियो।
प्रहरीले उनलाई भारतबाट पक्राउ गरेर २०८१ असार १५ मा काठमाडौँ ल्याएको थियो । त्यसबेलादेखि उनी थुनामा थिए ।
