सामाजिक सञ्जालमा अभद्र गालीगलौज गरेको आरोपमा राष्ट्रिय स्वतन्त्र पार्टी (रास्वपा) का रौतहटका सभापति रविन्द्र यादव पक्राउ परेका छन्।
स्थानीय सागर यादवलाई लक्षित गरी आपत्तिजनक शब्द प्रयोग गरेको उजुरीका आधारमा प्रहरीले यादवलाई नियन्त्रणमा लिएको हो।
जिल्ला प्रहरी कार्यालय रौतहटले यादवलाई अनुसन्धानका लागि नियन्त्रणमा लिएको र थप अनुसन्धान भइरहेको जनाएको छ।
रौतहट । सामाजिक सञ्जालमार्फत अभद्र तथा आपत्तिजनक शब्द प्रयोग गरेर गालीगलौज गरेको आरोपमा राष्ट्रिय स्वतन्त्र पार्टी (रास्वपा) का स्थानीय नेता रविन्द्र यादवलाई प्रहरीले पक्राउ गरेको छ।
जिल्ला प्रहरी कार्यालय रौतहटले गरुडा नगरपालिकाका रास्वपा सभापति यादवलाई मंगलबार साँझ करिब ७ बजे अनुसन्धानका लागि नियन्त्रणमा लिएको हो।
स्थानीय सागर यादवलाई लक्षित गरी सामाजिक सञ्जालमार्फत आपत्तिजनक तथा अभद्र शब्द प्रयोग गरेको भन्दै परेको उजुरीका आधारमा उनलाई नियन्त्रणमा लिइएको प्रहरीले जनाएको छ।
जिल्ला प्रहरी कार्यालय रौतहटका प्रहरी प्रवक्ता डीएसपी वसन्त गौतमले यादवलाई अनुसन्धानका क्रममा नियन्त्रणमा लिइएको पुष्टि गरे। प्रहरीका अनुसार उनीबारे थप अनुसन्धान भइरहेको छ।
