सारांश
- भौतिक पूर्वाधार तथा यातायात मन्त्रालयले सार्वजनिक सेवा प्रवाहमा हुने अनावश्यक झन्झट र अनियमिततालाई कडाइका साथ निषेध गरेको छ।
- सेवा प्रवाहलाई सरल, सहज र पारदर्शी बनाउने उद्देश्यले मन्त्रालयले बिचौलियाको संलग्नता र अवाञ्छित शुल्क असुलीमा रोक लगाएको छ।
काठमाडौँ । भौतिक पूर्वाधार तथा यातायात मन्त्रालयले सार्वजनिक सेवा प्रवाह प्रक्रियामा अनावश्यक झन्झटमा पार्ने कार्यहरु कडाइका साथ निषेध गरेको छ ।
मन्त्रालयले शुक्रबार प्रेस विज्ञप्ति जारी गर्दै सेवा प्रवाह प्रक्रियामा कुनै पनि प्रकारको अनियमितता, अवाञ्छित शुल्क असुली, बिचौलियाको संलग्नता तथा सेवाग्राहीलाई अनावश्यक झन्झटमा पार्ने कार्यहरू कडाइका साथ निषेध गरिएको जानकारी दिएको हो।
मन्त्रालय तथा मातहतका विभाग, निकाय र कार्यालयहरूबाट प्रवाह हुने सार्वजनिक सेवाहरूलाई सरल, सहज, पारदर्शी तथा प्रभावकारी बनाउने उद्देश्यले अनुरुप उक्त कार्य कडाइका साथ निषेध गरिएको मन्त्रालयले जनाएको छ।
