Summary
- काठमाडौंस्थित मनोहरामा रिपोर्टिङ गर्ने क्रममा अनलाइनखबरकर्मी कमल प्रसाईंमाथि स्थानीय बस्तीबासीहरूले साँझ करिब ७ बजे आक्रमण गरेका छन्।
- उनको नाकमा चोट लागेको छ र आक्रमण सुरक्षाकर्मीको टोली डोजरसहित मनोहरामा पुगेपछि भएको हो।
- सरकारले बस्ती भत्काइरहेको अवस्थाबारे रिपोर्टिङ गर्ने क्रममा उनीमाथि आक्रोशित समूहले आक्रमण गरेको थियो।
१२ वैशाख, काठमाडौं । काठमाडौंस्थित मनोहरामा रहेको सुकुमवासी बस्तीको रिपोर्टिङको क्रममा पुगेका अनलाइनखबरकर्मी कमल प्रसाईंमाथि आक्रमण भएको छ ।
साँझ करिब ७ बजे उनीमाथि स्थानीय बस्तीबासीहरूले आक्रमण गरेका हुन् ।
उनको नाकमा चोट लागेको छ ।
सरकारले बस्ती भत्काइरहेको अवस्थाबारे रिपोर्टिङ गर्ने पुगेका उनीमाथि त्यहाँ आक्रोशित समूहले आक्रमण गरेको थियो ।
दिउँसो थापाथली र सिनामंगल खाली गराउँदा अवस्था शान्त थियो । तर मनोहरामा सुरक्षाकर्मीहरूको टोली डोजरसहित पुगेपछि स्थानीयहरू आक्रोशित भएका थिए ।
