नारायणगढ-मुग्लिन सडक खण्डको मुग्लिन बजार नजिकै पहिरो खसेपछि सडक आवागमन प्रभावित भएको छ। बिहान १०:१२ बजे खसेको पहिरोका कारण हाल सडक एकतर्फी रूपमा मात्र सञ्चालन भइरहेको छ। सडक डिभिजन भरतपुरले पहिरो हटाउने कार्य तीव्र गतिमा गरिरहेको छ र यात्रुहरूलाई धैर्यता अपनाउन अनुरोध गरेको छ।
चितवन । नारायणगढ-मुग्लिन सडक खण्डको मुग्लिन बजार नजिकै पहिरो खस्दा सडक आवागमन प्रभावित भएको छ। आज बिहान १०:१२ बजे खसेको पहिरोका कारण हाल सडक एकतर्फी रूपमा मात्र सञ्चालन भइरहेको छ।
सडक डिभिजन भरतपुरका अनुसार पहिरो हटाउनका लागि डिभिजनका उपकरणहरू तत्काल परिचालन गरिएको छ। पहिरो सफा गर्ने कार्य तीव्र गतिमा भइरहेको छ।
गन्तव्यतर्फ प्रस्थान गर्नुअघि सडकको अवस्था बुझेर मात्र यात्रा गर्न र सवारी चालकहरूलाई धैर्यता अपनाउन सडक डिभिजनले अनुरोध गरेको छ।
